Psonm 19:9 - Labib An Kreol Seselwa

⁹ Respe pour SENYER i pir; i dire pour touzour. Bann desizyon SENYER i vre, e zot touzour zis.

Psonm 19:9 ပူးပေါင်းရင်းမြစ်များ

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

Zenez 42:18

Trwazyenm zour, Zozef ti dir zot, “La sa ki fodre zot fer pour zot reste vivan. Mon annan respe pour Bondye:

1 Rwa 18:12

Kan ki mon pou kit ou, lespri SENYER pou pran ou e anmenn ou, mon pa konnen kote; ler mon ava al fer mon rapor avek Akab, i pou touy mwan akoz i pa'n war ou, menm si mon annan gran respe pour SENYER depi mon lanfans.

Nehemi 5:15

Bann gouverner avan mwan, ti enpoz gro fardo lo lepep. Zot ti reklanm manze, diven, avek anplis, 40 pyes larzan. Menm zot bann serviter ti domin lepep. Me mwan, mon pa ti fer sa, par respe pour Bondye.

Psonm 10:5

I touzour reisi dan tou sa ki i antreprann. Zizman Bondye pa afekte li. I kraz son bann lennmi.

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Psonm 115:13

I pou beni bann ki obei SENYER, gran koman pti.

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 119:106

Mon'n fer serman pour mwan tenir e gard ou bann desizyon ki zis.

Psonm 119:111

Ou bann lord i mon patrimwann pour touzour. Zot met lazwa dan mon leker.

Psonm 119:142

Ou lazistis i eternel, ou lalwa i laverite.

Psonm 119:39

Protez mwan kont dezoner. I fer mwan per, akoz ou bann desizyon i zis.

Psonm 119:62

Akoz ou bann desizyon i zis, mon leve lannwit pour remersye ou.

Psonm 119:7

Mon pou loue ou avek tou mon leker, an mezir ki mon pou etidye ou bann desizyon ki zis.

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Psonm 12:7

SENYER! Gard nou. Protez nou kont sa bann dimoun pour touzour.

Psonm 147:19

I fer Zakob konn son parol, son bann regleman ek son bann desizyon avek Izrael.

Psonm 36:1

Dan fon mon leker, mon mazin mesanste zonm: Dan fon son leker, i napa respe pour Bondye.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Egzod 21:1

SENYER ti dir: La bann regleman ki ou ava met devan bann Izraelit:

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Romen 11:22

Remarke konman Bondye i montre son labonte ek son severite: Bondye i sever anver bann ki'n tonbe, me i bon avek ou, a kondisyon ki ou kontinyen kont lo son labonte. Sinon ou osi, ou ava ganny koupe parey en brans.

Romen 2:2

Nou konnen ki Bondye i ziz avek lazistis, dimoun ki fer tel aksyon.

Deterononm 4:8

Lekel sa lot gran nasyon ki annan bann regleman ek bann desizyon ki osi zis, parey tou sa bann lalwa ki mon pe met devan zot ozordi?

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 16:7

Mon ti antann en lavwa sorti dan direksyon lotel. I ti dir: Wi Senyer Bondye Toupwisan! Ou zizman i vre e zis.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

1 Samyel 12:24

Annan respe pour SENYER e servi li senserman avek tou zot leker. Pran kont tou sa bann gran mervey ki i'n fer avek zot.