Psonm 19:11 - Labib An Kreol Seselwa

¹¹ Menm mwan, ou serviter, mon ganny averti; i annan gran rekonpans pour sa enn ki met zot an pratik.

Psonm 19:11 ပူးပေါင်းရင်းမြစ်များ

2 Kronik 19:10

Kan en ka i ganny anmenn devan ou, par enn ou frer, sorti dan son lavil konsernan en krim oubyen laplikasyon lalwa, komannman, regleman, ou koutim, ou ava averti li pour pa rann ou koupab devan SENYER. SENYER pa pou pran lakoler kont ou, ni kont ou frer.

Psonm 119:103

Ou bann parol i dou dan mon labous. I pli dou ki dimyel.

Psonm 119:11

Mon gard ou parol dan mon leker, pour mwan pa fer pese kont ou.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Proverb 24:14

Alor, aprann ki lasazes i bon pour ou lavi. Si ou dekouver li, i annan en lavenir pour ou e ou lespwar pa pou perdi.

Proverb 29:18

Ler napa okenn vizyon pour lavenir, lepep pa ganny kontrole; i ere sa enn ki obei lalwa.

Ezekyel 3:3

I ti dir mwan, “Ou ki en imen, manz sa roulo ki mon donn ou e ranpli ou vant.” Mon ti manze. I ti dou dan labous parey dimyel.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Matye 6:18

Pa les dimoun remarke ki ou pe zennen. Zis ou Papa ki la dan sekre ki konnen. Ou Papa ki war tou sa ki ou fer an sekre, ava rekonpans ou.

Matye 6:4

Ou bon aksyon i devre reste sekre. Ou Papa ki war ou aksyon dan sekre, ava rekonpans ou.

Matye 6:6

Me ou, kan ou priye, antre dan ou lasanm, ferm laport e priy ou Papa ki la dan sa landrwa sekre. Ou Papa ki war dan ou profon sekre, ava rekonpans ou.

Akt de Zapot 20:31

Alor, vey byen, e rapel zot ki pandan 3 an, lizour koman aswar, mon'n ansenny sakenn zot, menm avek larm.

1 Korentyen 4:14

Si mon ekri zot tousala, se pa pour fer zot onte, me pour averti zot koman mon bann zanfan ki mon kontan.

1 Tesalonisyen 5:14

Nou ankouraz zot, frer ek ser! Averti bann ki pares, ankouraz bann ki timid, ed bann ki feb; pran pasyans avek zot tou.

Ebre 11:26

I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Let Zak 1:25

Me sa enn ki byen egzamin lalwa parfe ki rann nou lib e ki persevere; sa enn ki pa zis ekoute pour oubliye apre, me ki met sa lalwa parfe an pratik, Bondye pou beni li dan tou sa ki i fer.

2 Zan 1:8

Alor, fer byen atansyon ki zot pa perdi bann fri zot travay, me ki zot resevwar en rekonpans konplet.

Revelasyon 14:13

Mon ti antann en lavwa sorti dan lesyel ki ti dir: Ekri: Byennere aprezan, bann dimoun ki mor an kominyon avek Senyer! Lespri i dir: Wi! Zot kapab repoze apre zot travay, akoz zot bann aksyon i swiv zot.