Psonm 18:4 - Labib An Kreol Seselwa

⁴ Lemonn lanmor ti'n antortiy mwan; bann gro laroul destriksyon ti fer mwan per.

Psonm 18:4 ပူးပေါင်းရင်းမြစ်များ

2 Kronik 20:21

Apre, i ti pran konsey avek lepep. I ti swazir bann ki ti pou sante e loue SENYER. Zot ti met rob pour sa lokazyon e zot ti mars devan larme. Zot ti sante: Selebre SENYER, akoz son fidelite i pour touzour!

2 Kronik 20:22

Ler bann santer ti konmans sante, loue SENYER avek aklamasyon, SENYER ti mont en latak kont bann Amonit, bann Moabit ek bann Edomit ki ti'n vin atak Zida; zot ti ganny bate.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Psonm 124:4

Kouran ti ava'n balye nou; en linondasyon ti ava'n kouver nou.

Psonm 22:16

En group malfeter in antour mwan; zot parey en group lisyen ki'n anserkle mwan. Zot in pers mon lanmen ek mon lipye.

Ezai 13:8

Dimoun pou per. Soufrans atros pou anvai zot. Zot pou ganny douler parey en fanm dan lakousman. Efare, zot pou get kanmarad avek etonnman. Zot figir pou vin rouz.

Matye 26:47

Zezi ti ankor pe koze kan Zida, enn parmi son 12 disip, ti arive. En gran lafoul avek lepe ek baton ti pe swiv li. Zot ti'n ganny anvoye par bann sef pret ek bann ansyen parmi pep Zwif.

Matye 26:55

Answit, Zezi ti dir avek lafoul, “Eski zot ti bezwen vin avek lepe ek baton pour aret mwan konmsi mon ti en bandi? Tou le zour mon ti asize dan Tanp pe ansennyen, i zot pa ti aret mwan.

Akt de Zapot 21:30

Ti annan dezord dan lavil antye e dimoun ti tay partou dan konfizyon. Zot ti sezi Pol, trenn li an deor Tanp e ferm bann laport.

2 Korentyen 1:9

Nou ti santi ki nou santans lanmor ti'n fini ganny prononse. Me sa ti montre nou pour pa plas nou konfyans dan nou menm, me dan Bondye ki kapab resisit dimoun ki'n mor.