Psonm 18:30 - Labib An Kreol Seselwa

³⁰ Bondye i en gid parfe. Bann promes SENYER i vre; i en proteksyon pour tou sa bann ki vin pran refiz kot li.

Psonm 18:30 ပူးပေါင်းရင်းမြစ်များ

2 Samyel 22:31

Bondye i en gid parfe. Bann promes SENYER i vre; i en proteksyon pour tou sa ki vin pran refiz kot li.

Psonm 119:140

Ou bann parol in ganny teste e ou serviter i kontan zot.

Psonm 12:6

Parol SENYER i pir. I parey larzan ki'n ganny pirifye set fwa.

Psonm 17:7

Montre mwan ou fidelite. Ou ki sov bann ki vin pran refiz kot ou, kont zot bann ladverser.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 25:10

Dan tou son santye, SENYER i montre fidelite ek lwayote anver tou bann ki gard son lalyans ek son bann regleman.

Proverb 30:5

Tou bann Parol Bondye in ganny teste. I en boukliye pour sa enn ki pran refiz kot li.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.