Psonm 18:13 - Labib An Kreol Seselwa

¹³ Dan lesyel, lavwa SENYER ti rezonnen parey loraz.

Psonm 18:13 ပူးပေါင်းရင်းမြစ်များ

Liv Zob 40:9

Eski ou lebra i osi for ki Bondye? Eski ou lavwa i rezonnen dan loraz parey pour li?

Psonm 104:7

Ler ou ti reprimann zot, zot ti fannen; zot ti taye ler zot ti antann tapaz ou loraz.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Psonm 140:10

Fer bann labrez sarbon tonm lo zot e fer zot ganny zete dan dife kot zot pa pou kapab sorti.

Psonm 78:48

I ti les zot zannimo ganny detri par lagrel e zot betay par loraz ek zekler.

Egzod 20:18

Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.

Egzod 9:24

Lagrel, melanze avek dife ti tonbe; sa ti pli terib ki'n deza tonbe dan Lezip antye, depi ki sa nasyon i egziste.

Ezekyel 10:5

Tapaz lezel bann seriben ti ariv ziska dan lakour eksteryer; i ti resanble lavwa Bondye Toupwisan ler i koze.

Habakouk 3:5

Devan li, en lepidemi pe avanse; deryer li, en lafyev i swiv dan son lepa.

Levanzil dapre Zan 12:29

Lafoul ki ti la e ki ti'n antann sa lavwa, ti dir: Sa ti en loraz; tandis ki lezot ti dir: En lanz in koz avek li.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

Zozye 10:11

Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Revelasyon 4:5

Zekler, bann lavwa, ek tapaz loraz ti sorti depi sa tronn. Set flanbo ti pe brile devan sa tronn. Sa ti sa set Lespri Bondye.

Revelasyon 8:5

Apre, lanz ti pran lansanswar, e ranpli li avek dife sorti lo lotel e zet li lo later. Toudswit ti annan loraz, tapaz bann lavwa, zekler ek tranblemandter.

1 Samyel 7:10

Pandan ki Samyel ti pe ofer sakrifis, bann Filisten ti aprose pour atak pep Izrael. Sa zour, SENYER ti anvoy gro loraz ki ti fer en kantite fraka e met konfizyon parmi larme Filisten. Pep Izrael ti bat zot.