Psonm 16:4 - Labib An Kreol Seselwa

⁴ Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Psonm 16:4 ပူးပေါင်းရင်းမြစ်များ

Zenez 35:14

Zakob ti etabli en ros pilye dan sa landrwa kot Bondye ti'n koz avek li. I ti vers en lofrann labwason lo la, e vers delwil osi.

Psonm 32:10

Bann malfeter pou konn bokou soufrans. Me fidelite SENYER i antour sa enn ki met son konfyans dan li.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Ezai 65:11

Me sa bann ki ti abandonn SENYER, ki ti oubliy mon montanny sakre, ki ti dres en latab pour bondye lasans, e ti ofer bondye desten, lakoup en melanz diven,

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Levitik 23:13

Avek lofrann vezetal, zot ava ofer en lofrann brile sis kilo lafarin petri avek delwil, en lofrann ki anvoy en loder ki fer plezir SENYER, ek lofrann en lit edmi diven.

Zonas 2:8

Bann ki ador bann fo bondye napa sans ganny sove.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.