Psonm 150:3 - Labib An Kreol Seselwa

³ Loue li avek son bann tronpet! Loue li avek lalir ek laarp!

Psonm 150:3 ပူးပေါင်းရင်းမြစ်များ

2 Samyel 6:15

David ek tou pep Izrael ti fer monte Kof SENYER avek laklamasyon ek lanmizik tronpet.

2 Samyel 6:5

David ek pep Izrael ti zwe devan SENYER avek toudsort lenstriman lanmizik an bwa sapen: Lir, laarp, tanbour, sitar ek senbal.

1 Kronik 15:20

Zakari, Aziel, Semiramot, Yehiel, Ouni, Eliab, Maaseya ek Benaya pour zwe laarp lo ton soprano;

1 Kronik 15:24

Bann pret Sebanya, Zozafat, Netaneel, Amasai, Zekarya, Benaya, ek Eliezer ti zwe tronpet devan Kof Lalyans Bondye. Obed-Edonm ek Yehiya ti osi portye pour Kof Lalyans.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.

1 Kronik 16:42

Hemann ek Yedoutoun ti annan tronpet ek senbal avek lezot lenstriman lanmizik pour akonpanny kantik. Bann garson Yedoutoun ti servi koman portye.

1 Kronik 25:1

David, ansanm avek son bann sef larme, ti met apar parmi bann garson Asaf, Hemann ek Yedoutoun. Zot ti sant avek lakonpannyman lir, laarp ek senbal. La lalis bann zonm ki ti ranpli sa bann fonksyon:

2 Kronik 20:28

Zot ti antre Zerizalenm dan direksyon tanp SENYER, akonpannyen avek lanmizik, laarp, lir, ek tronpet.

2 Kronik 5:13

Bann santer, bann zwer tronpet ti zwenn ansanm dan larmoni, pour rann glwar e remersye SENYER: SENYER i bon; son fidelite i reste pour touzour. Sa ti ganny akonpannyen par bann son senbal avek lezot lenstriman lanmizik. Anmenmtan, en nyaz ti ranpli tanp SENYER.

Psonm 108:2

Bann lenstriman lanmizik! Reveye! Mon pou fer lizour aparet.

Psonm 149:3

Loue son non avek ladans, avek tanbour, avek laarp; zwe bann lenstriman lanmizik pour loue son non.

Psonm 33:2

Zwe lanmizik pour loue SENYER! Loue li lo laarp dis lakord!

Psonm 92:3

avek lenstriman lanmizik dis lakord, laarp ek lanmizik sitar.

Danyel 3:5

Kan zot antann son tronpet, laflit, sitar, triyang, laarp, tanbour, ek tou lezot lenstriman lanmizik, zot ava prosternen pour ador sa stati annor ki lerwa Naboukodonozor in fer.

Nonm 10:10

Dan bann lokazyon lafet parey nouvellin ek lezot lafet relizye, zot devre soufle bann tronpet pandan ki zot ofer zot sakrifis konplet, oubyen sakrifis remersiman. Konmsa, sa bann son tronpet ava en rapel pour zot devan zot Bondye. Mwan menm SENYER zot Bondye.