Psonm 15:5 - Labib An Kreol Seselwa

⁵ I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Psonm 15:5 ပူးပေါင်းရင်းမြစ်များ

Psonm 106:3

I byennere sa enn ki fer sa ki drwat e ki touzour pratik lazistis.

Psonm 112:6

Sa enn ki fer tousala, pa pou zanmen tonbe. I pa pou zanmen ganny oubliye.

Psonm 16:8

Mon touzour fikse mon lizye lo SENYER. SENYER i touzour prezan devan mwan. Mon pa pou tonbe.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Egzod 22:24

Mon lakoler pou monte e mon pou masakre zot; zot bann fanm pou vin vev e zot bann zanfan pou bann orfelen.

Egzod 22:25

Si ou pret larzan en pov parmi mon pep, pa fer parey lezot dimoun ki pret larzan: Pa demann li okenn lentere.

Proverb 10:30

Sa enn ki zis pa pou zanmen tonbe; me bann malfeter pa pou reste dan pei.

Proverb 12:3

Mesanste pa met personn an sekirite; me nanryen pa pou fer tonbe sa enn ki zis.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Ezekyel 18:17

I evit bann move pratik; i pa pret son larzan avek lentere, ni egziz en profi lo la. I obei mon lalwa e swiv mon bann regleman avek fidelite. I pa pou mor akoz fot son papa, me i pou sirman viv.

Ezekyel 18:27

Si o kontrer, en move dimoun i abandonn son bann move pratik pour azir dapre lalwa e fer sa ki byen, i ava sov son lavi.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Matye 26:15

I ti demann zot, “Ki zot pou donn mwan si mon livre zot Zezi?” Zot ti pey li 30 pyes larzan.

Levanzil dapre Zan 13:17

Aprezan ki zot konn sa, zot ava ere si zot met li an pratik.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 23:21

Ler ou fer en ve anver SENYER, ou Bondye, pa tarde pour ou akonpli li, akoz SENYER, ou Bondye ava sertennman demann ou kont e ou ava pe komet en pese.

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”