Psonm 15:3 - Labib An Kreol Seselwa

³ ki pa koz dimal lo son prosen, ki pa fer ditor son zanmi, ki pa ensilte son prosen,

Psonm 15:3 ပူးပေါင်းရင်းမြစ်များ

Proverb 22:10

Sas sa enn ki ensolan e dispit ava fini; pou nepli annan okenn lager ni lensilt.

Proverb 25:3

Ou pa kapab sond leker bann lerwa, ni oter lesyel, ni profonder later.

Ezai 56:2

Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Levitik 19:16

Pa senm kalonmni kont ou prosen, ni fer en lakizasyon ki fer disan ou prosen koule. Mwan menm SENYER.

Matye 7:12

Tou sa ki ou oule ki lezot i fer pour ou, fer parey pour zot: Sanmenm sa ki Lalwa Moiz ek bann profet i ansennyen.

Romen 1:30

Zot dir dimal lo kanmarad. Zot bann lennmi Bondye, ensolan, orgeye, vantar. Zot touzour pare pour envant bann nouvo fason pour fer ditor. Zot rebel anver zot paran.

Romen 12:17

Pa rann personn mal pour mal. Me fer tou sa ki posib pour fer sa ki byen devan tou dimoun.

Romen 13:10

Lanmour pa fer ditor son prosen. Ler nou kontan nou prosen nou pe akonpli lalwa konpletman.

Let Pol pour bann Tit 3:2

Dir zot pa malparl personn, evit tou kerel e montre zot zanmi e poli avek tou dimoun.

Let Zak 4:11

Mon bann frer! Pa bezwen malparl kanmarad. Sa enn ki malparl son frer oubyen ziz son frer, i koz mal kont Lalwa, i pe ziz Lalwa. Si ou ziz Lalwa, ou nepli en pratikan Lalwa, me en ziz.

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.

1 Samyel 24:11

Gete! Get bout ou rob dan mon lanmen, ou kapab rekonnet e war ki mon napa move lentansyon ni anvi revolte kont ou. Mon pa'n komet sa krim kont ou; pourtan, ou pe rod mwan pour pran mon lavi.