Psonm 15:1 - Labib An Kreol Seselwa

¹ SENYER! Lekel ki kapab ganny resevwar dan ou tanp? Lekel ki kapab vin reste lo ou montanny sen?

Psonm 15:1 ပူးပေါင်းရင်းမြစ်များ

Psonm 2:6

Mwan ki'n etabli mon lerwa lo Siyon, mon montanny sen.

Psonm 23:6

Ou bonte ek ou zenerozite i akonpanny mwan tou le zour mon lavi. Mon pou reste dan tanp SENYER tou dilon mon lavi.

Psonm 3:4

Mon kriy for ver SENYER; depi son montanny sen i reponn mwan.

Psonm 61:4

Mon ti ava anvi reste dan ou sanktyer pour tou mon lavi e ganny en labri anba ou lezel.

Psonm 84:4

Byennere sa bann ki viv dan ou tanp e ki kontinyelman sant ou louanz.

Psonm 92:13

I parey en pye dibwa ki'n ganny plante dan tanp SENYER. I fleri dan lakour tanp nou Bondye.

Levanzil dapre Zan 14:3

Apre ki mon'n al prepar en plas pour zot, mon pou retournen e pran zot avek mwan, pour ki zot osi, zot ava la kot mwan, mon ete.

Levanzil dapre Zan 17:24

Papa! Ou'n donn mwan zot. Mon oule ki zot osi, zot ava avek mwan kot mon ete, pour ki zot war mon mazeste ki ou'n donn mwan, akoz ou'n kontan mwan avan ki lemonn ti ganny kree.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.