Psonm 149:6 - Labib An Kreol Seselwa

⁶ Ranpli zot labous avek louanz an loner Bondye avek zot lepe fite dan zot lanmen,

Psonm 149:6 ပူးပေါင်းရင်းမြစ်များ

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 115:7

Zot annan lanmen, me zot pa kapab tate. Zot annan lipye, me zot pa kapab marse. Okenn son pa sorti dan zot lagorz.

Psonm 66:17

Avek mon labous mon ti apel li. Mon ti demann li son sekour e mon ti loue li.

Psonm 96:4

SENYER i gran; i merite ki nou loue li. I formidab, plis ki tou lezot bondye.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Ebre 4:12

Parol Bondye i vivan e pwisan. I pli koupe ki en lepe ki koup de kote. I kapab penetre ziska pli profon nou leker, ziska zwentir ek lanmwel lezo. I kapab ziz tou dezir ek sekre leker imen.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Ziz 3:16

Ehoud ti fabrik en lepe ki koup de kote, 50 santimet longer. I ti atas sa lepe anba son lenz, kot son kote drwat.