Psonm 149:3 - Labib An Kreol Seselwa

³ Loue son non avek ladans, avek tanbour, avek laarp; zwe bann lenstriman lanmizik pour loue son non.

Psonm 149:3 ပူးပေါင်းရင်းမြစ်များ

2 Samyel 6:14

David ti danse avek tou son lafors devan SENYER avek en lefod linenn otour li.

2 Samyel 6:16

Letan Kof SENYER ti pe rantre dan lavil David, Mikal, fiy Sail, ti pe get par lafnet. I ti war lerwa David pe sote e danse devan SENYER. I ti ganny degout pour li dan son leker.

1 Kronik 16:42

Hemann ek Yedoutoun ti annan tronpet ek senbal avek lezot lenstriman lanmizik pour akonpanny kantik. Bann garson Yedoutoun ti servi koman portye.

1 Kronik 25:6

Zot tou, zot ti sant dan tanp SENYER, dirize par zot papa, avek lakonpannyman senbal, laarp ek lir, pour servis dan tanp Bondye. Asaf, Yedoutoun ek Hemann ti anba direksyon lerwa.

2 Kronik 20:28

Zot ti antre Zerizalenm dan direksyon tanp SENYER, akonpannyen avek lanmizik, laarp, lir, ek tronpet.

2 Kronik 29:25

Ezekyas ti plas bann levit dan tanp SENYER avek bann lenstriman lanmizik: Senbal, laarp ek lir. I ti swiv lareg ki David ek Gad, profet lerwa ek profet Natan, ti etabli dapre lord SENYER atraver son bann profet.

Esdras 3:10

Kan bann travayer ti poz fondasyon tanp SENYER, bann pret dan zot rob seremoni ti avans devan avek zot tronpet, e bann levit, bann garson Asaf, avek zot senbal, ti rann glwar SENYER dapre bann direktiv donnen par David, lerwa Izrael.

Psonm 30:11

Ou'n sanz mon lamantasyon an ladans. Ou'n ranplas mon lenz dey par en lenz lafet.

Psonm 33:2

Zwe lanmizik pour loue SENYER! Loue li lo laarp dis lakord!

Psonm 81:2

Zwe lanmizik! Fer tanbouren rezonnen! Zwe lalir avek laarp!

Psonm 81:3

Soufle tronpet ler nouvellin, ler plenn lin, pour nou lafet.

Psonm 87:7

Ansanm, bann santer ek bann danser zot dir: Zerizalenm i landrwa kot nou reste.

Egzod 15:20

Mirianm, en profetes, ser Aaron, ti pran en tanbouren. Tou bann fanm ti sorti e swiv li. Zot ti zwe tanbouren e zot ti danse.

Zeremi 31:13

Alor, bann zenn fiy ava danse dan lazwa; zennzan ek vyeyar pou fet ansanm. Mon pou sanz zot dey an lazwa; mon pou konsol zot e sanz zot tristes an lazwa.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Ziz 11:34

Ler Zefte ti pe retourn kot li Mispa, son fiy ti sorti pour rankontre li avek bann tanbouren ek ladans. Sa fiy ti son sel zanfan. Apard li, Zefte ti napa okenn garson ni fiy.