Psonm 149:2 - Labib An Kreol Seselwa

² Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 149:2 ပူးပေါင်းရင်းမြစ်များ

Liv Zob 35:10

Me personn pa dir: Oli Bondye ki'n kree mwan, ki donn lenspirasyon pour konpoz bann psonm dan lannwit?

Psonm 47:6

Sant pour Bondye! Sante! Sant pour nou lerwa! Sante!

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Ezai 43:15

Mwan menm SENYER, ou Bondye Sen, Kreater Izrael, ou Lerwa.

Ezai 52:7

Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Sofoni 3:14

Lavil Siyon! Kriye dan lazwa. Zabitan Izrael! Selebre. Zerizalenm! Sante avek tou ou leker.

Sofoni 3:15

SENYER in retir tou zizman kont ou. I'n detourn tou ou bann lennmi. SENYER, lerwa Izrael i parmi ou. Ou pa bezwen per okenn maler ankor.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Matye 21:5

Dir Fiy Siyon: La ou lerwa pe vin kot ou, trankilman, monte lo en bourik, Lo en zenn bourik, piti en femel bourik.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Levanzil dapre Lik 19:38

Zot ti dir, “I ganny beni sa Lerwa ki vin lo non Senyer! Lape dan lesyel e laglwar dan pli o lesyel!”

Levanzil dapre Zan 19:15

Me zot ti konmans kriye, “Touy li! Touy li! Krisifye li!” Pilat ti demann zot, “Eski mon ava krisifye zot lerwa?” Bann gran-pret ti reponn, “Nou napa okenn lot lerwa apar Sezar.”

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.