Psonm 147:2 - Labib An Kreol Seselwa

² SENYER i rekonstri Zerizalenm; i rasanble bann Izraelit ki annegzil.

Psonm 147:2 ပူးပေါင်းရင်းမြစ်များ

Nehemi 6:15

Travay lo miray ti terminen le 25 dan mwan Eloul; ti'n pran 52 zour.

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Nehemi 7:4

Lavil ti larz avek bokou lespas, me ti napa bokou zabitan e zot pa ti'n ankor konstri bann lakaz.

Psonm 102:17

I pou ekout lapriyer bann ki'n ganny abandonnen e i pa pou rezet zot lapriyer.

Psonm 51:18

Fer sa ki bon pour Siyon. Rekonstri bann miray Zerizalenm.

Ezai 14:32

Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Mise 4:6

SENYER i deklare: Sa zour, mon pou rasanble bann ki bwete. Mon pou reini sa ki'n ganny disperse e bann ki mon'n maltrete.

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Deterononm 30:3

alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.