Psonm 146:6 - Labib An Kreol Seselwa

⁶ I'n fer lesyel, later, lanmer ek tou sa ki egziste. I tenir son promes pour touzour.

Psonm 146:6 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Psonm 100:5

Wi! SENYER i bon. Son fidelite i dire pour touzour. Son fidelite i reste pour touzour.

Psonm 115:15

SENYER ki'n fer lesyel ek later ava beni zot.

Psonm 117:2

akoz son fidelite pour nou i gran, e son lanmour i dire pour touzour. Loue SENYER!

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Psonm 89:2

Mon deklare ki ou lanmour i egziste depi touzour; ou fidelite in ganny fikse solidman parey lesyel.

Psonm 89:33

Me mon pa pou retir mon fidelite pour li, ni trai mon lanmour.

Psonm 95:5

Lanmer ki i ti kree i osi pour li; later ki i ti formen avek son lanmen i osi pour li.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Levanzil dapre Zan 1:3

Par li, tou keksoz ti ganny fer; napa nanryen dan kreasyon ki'n ganny fer san li.

Levanzil dapre Zan 10:34

Zezi ti reponn zot, “Pa i'n ekri dan zot Lalwa kot Bondye in dir: Zot en bann bondye?

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Kolosyen 1:16

Annefe, par li, Bondye in kree tou sa ki egziste dan lesyel e lo later, sa ki vizib e sa ki envizib, pwisans spirityel, pouvwar, gouvernman ek lotorite. Tousala, in ganny kree par li e pour li.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Revelasyon 14:7

I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!