Psonm 143:7 - Labib An Kreol Seselwa

⁷ SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 143:7 ပူးပေါင်းရင်းမြစ်များ

Psonm 102:2

Pa kasyet ou avek mwan kan mon dan lapenn. Ekout mwan ler mon apel ou. Pa tarde pour reponn mwan.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 28:1

SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.

Psonm 40:17

Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!

Psonm 69:17

Pa vir ledo avek ou serviter, akoz mon dan maler. Pa tarde pou reponn mwan.

Psonm 69:18

Vin pros avek mwan, sov mwan, delivre mwan akoz mon bann lennmi.

Psonm 69:3

Mon fatige afors kriye; mon lagorz i sek. Mon lizye i fatige afors esper mon Bondye.

Psonm 70:5

Mwan, mon en pov dan bezwen; Mon Bondye pa oubliy mwan! SENYER! Ou mon sekour e mon liberater, pa tarde!

Psonm 71:12

Mon Bondye! Pa reste lwen avek mwan. Mon Bondye! Vit, vin delivre mwan.

Psonm 84:2

Mon vreman anvi antre dan sanktyer SENYER. Mon leker ek mon lekor antye i anvi sant lazwa ver Bondye vivan.

Proverb 13:12

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Ezai 38:18

Lemonn lanmor pa kapab loue ou. Lanmor pa kapab selebre ou. Sa ki desann dan sa trou san fon pa kapab met lespwar dan ou fidelite.

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Levanzil dapre Lik 21:26

Zonm pou perdi konnesans avek lafreyer, ler zot ava mazin sa ki pou arive lo later. Annefe, bann pwisans dan lesyel pou dekontrole.