Psonm 142:1 - Labib An Kreol Seselwa

¹ Avek tou mon lafors, mon kriy ver SENYER. Avek tou mon lafors, mon sipliy SENYER.

Psonm 142:1 ပူးပေါင်းရင်းမြစ်များ

1 Kronik 4:10

Yabes ti priy Bondye Izrael: Si ou vreman akord mwan ou benediksyon, ou ava agrandi mon teritwar; ou lanmen ava avek mwan; maler ek soufrans ava reste lwen avek mwan! Bondye ti akord Yabes tou sa ki i ti demande.

Psonm 141:1

SENYER! Mon apel ou. Vin vit kot mwan. Ekout mwan kan mon apel ou.

Psonm 28:2

Ekout mon siplikasyon kan mon kriy ver ou. Mon lev mon lanmen ver ou, dan ou sanktyer sen.

Psonm 30:8

SENYER! Mon ti apel ou. SENYER! Mon ti sipliy ou:

Psonm 32:1

Byennere bann ki zot fot i ganny pardonnen, e bann ki zot pese i ganny oubliye!

Psonm 54:1

Mon Bondye! Par ou pwisans, sov mwan. Par ou lafors, pran desizyon dan mon faver.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Ebre 11:38

Lemonn ti napa okenn valer pour zot. Zot ti eran dan dezer e dan montanny. Zot ti viv dan kavern ros, e bann trou dan later.

1 Samyel 24:3

I ti ariv kot bann park mouton ek kabri ki ti obor semen e kot ti annan en kavern. Sail ti antre pour fer son bezwen. David ek son bann zonm ti dan fon sa kavern.

1 Samyel 24:4

Bann zonm David ti dir li, “Ozordi, sa zour in arive ki Bondye ti dir: Mon pou livre ou lennmi dan ou lanmen e ou ava fer avek li, sa ki ou oule.” David ti leve e dousman, i ti koup en bout rob Sail.