Psonm 140:13 - Labib An Kreol Seselwa

¹³ Dimoun ki zis pou selebre ou non; dimoun ki drwat pou viv dan ou prezans.

Psonm 140:13 ပူးပေါင်းရင်းမြစ်များ

Liv Zob 36:6

I pa les bann malfeter kontinyen viv, me i protez drwa bann malere.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 23:6

Ou bonte ek ou zenerozite i akonpanny mwan tou le zour mon lavi. Mon pou reste dan tanp SENYER tou dilon mon lavi.

Psonm 32:11

Zot ki zis! Rezouir dan SENYER. Zot ki leker i drwat! Sant zot lazwa.

Psonm 35:10

Dan pli profon mon leker, mon pou dir: SENYER! Napa personn parey ou! Ou protez sa enn ki feb, kont sa enn ki for. Ou protez sa enn ki pov e ki ganny imilye, kont sa bann ki eksplwat li.

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Psonm 97:12

Ou ki obei SENYER! Reste dan lazwa. Sant bann louanz pour son non sen!

Proverb 22:23

SENYER ava pled pour zot e pran lavi sa bann ki'n pran tou avek zot.

Ezai 3:10

Dir sa ki inosan koman i ere, akoz i pou rekolte fri son travay.

Levanzil dapre Zan 14:3

Apre ki mon'n al prepar en plas pour zot, mon pou retournen e pran zot avek mwan, pour ki zot osi, zot ava la kot mwan, mon ete.

Levanzil dapre Zan 17:24

Papa! Ou'n donn mwan zot. Mon oule ki zot osi, zot ava avek mwan kot mon ete, pour ki zot war mon mazeste ki ou'n donn mwan, akoz ou'n kontan mwan avan ki lemonn ti ganny kree.

1 Tesalonisyen 4:17

Apre, nou ki ankor vivan, nou pou ganny anleve e rasanble ansanm avek zot dan nyaz, pour rankontre Senyer dan lezer. Konmsa, nou pou touzour avek Senyer.