Psonm 14:4 - Labib An Kreol Seselwa

⁴ Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 14:4 ပူးပေါင်းရင်းမြစ်များ

Liv Zob 21:15

Ki Bondye Toupwisan i ete, pour nou servi li? Ki benefis nou gannyen pour nou envok li?

Liv Zob 27:10

Eski i pou kontan Bondye liniver? Eski i pou toultan demann led Bondye?

Psonm 27:2

Si bann malfeter i atak mwan pour detri mwan, se zot menm mon bann ladverser e mon bann lennmi ki tranble e tonbe.

Psonm 79:6

Fer ou lakoler tourn lo bann nasyon ki pa konn ou e lo bann rwayonm ki pa ador ou.

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Proverb 30:14

Serten i annan ledan parey lepe, e lanmaswar parey kouto pour devore e fer disparet bann pov lo later, ek bann dezerite parmi bann et imen.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 29:14

Alor, mon pou kontinyen etonn sa pep avek ankor bann mervey; par bann aksyon etonan enn apre lot. Bann saz pa pou konpran. Lentelizans bann savan pa pou kapab eksplike.

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 5:13

Pour sa rezon, mon pep pou ganny deporte akoz i pa konpran. Son bann gran zans pou mor lafen e popilasyon antye pou mor laswaf.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Oze 7:7

Zot tou, zot sofe parey en four; zot devor zot bann sef. Zot bann lerwa in tonbe; personn pa rod mwan.

Amos 8:4

Ekoute, zot ki kraz bann malere, e ki oule detri bann pov dan sa pei.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Galat 5:15

Me si zot morde e devor kanmarad, fer byen atansyon: Zot pou fini par detri kanmarad.