Psonm 137:3 - Labib An Kreol Seselwa

³ La, bann ki ti'n deport nou ti demann nou pour sante. Nou bann bouro ti demann nou sant bann kantik lazwa: Sant en kantik sorti Siyon!

Psonm 137:3 ပူးပေါင်းရင်းမြစ်များ

1 Kronik 15:27

David ti met li en rob linenn, ensi tou ki bann Levit ki ti pe anmenn Kof Lalyans, bann santer ek Kenaya, sef lanmizik; David ti osi met en lefod fer avek latwal linenn.

1 Kronik 16:7

Sa zour, pour premye fwa, David ti donn Asaf ek son bann frer, responsabilite pour loue SENYER.

Nehemi 4:2

I ti dir devan son bann frer e dan prezans larme Samari, “Ki sa bann Zwif bonnaryen pe fer la? Eski zot pou reisi repar zot lavil pour ofer sakrifis ladan? Eski zot pou fini en zour? Eski zot pou kapab fer reviv bann ros e fer zot sorti dan sa ta debri ki'n ganny brile par dife?”

Psonm 65:1

Mon Bondye! Ou ki dan Zerizalenm, ou merit ganny loue. Nou devre gard nou promes anver ou.

Psonm 79:1

Mon Bondye! Bann etranze in anvai ou pei. Zot in profann ou tanp sen. Zot in fer Zerizalenm vin en ta ros.

Psonm 80:6

Ou'n fer nou vin en size dispit pour nou vwazen. Nou bann lennmi i riy nou.

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Proverb 25:20

Sant bann sanson lazwa avek en dimoun tris, i konmsi ou pe tir ou lenz lo ou dan lafreser, oubyen vers vineg lo en boubou.

Ezai 35:10

Tou bann ki SENYER in libere pou retournen. Zot pou ariv Siyon dan lazwa. Zot figir pou reyonnen avek en boner san limit. Zot pou ranpli avek en gran lazwa. Soufrans ek latristes pou'n disparet.

Ezai 51:11

Konmsa, bann ki SENYER in sove ava retournen e sant bann kantik letan zot mont Siyon; pou touzour annan lazwa lo zot figir; zot ava touzour dan lakontantman ek lazwa; zot pou nepli ni sagren ni plere.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Levanzil dapre Lik 21:6

“En zour pou arive kan tou sa ki zot pe war, pa pou reste en ros lo en lot; tou pou ganny zet ater.”