Psonm 135:7 - Labib An Kreol Seselwa

⁷ I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Psonm 135:7 ပူးပေါင်းရင်းမြစ်များ

1 Rwa 18:1

Apre en bon pe letan, dan trwazyenm lannen lasesres, SENYER ti koz avek Eli. I ti dir li, “Al prezant ou devan Akab; mon pou anvoy lapli lo later.”

Liv Zob 5:10

I fer lapli tonbe lo later. I anvoy delo dan plantasyon.

Psonm 107:25

Lo son lord, tanpet ti leve e fer monte gro laroul lo lanmer.

Psonm 148:8

dife ek lagrel, lannez ek brouyar, tanpet divan ki egzekit son komannman! Loue SENYER!

Psonm 78:26

I ti fer soufle divan sorti dan Les. Avek son pwisans, i ti fer soufle divan sorti dan Sid.

Zeremi 10:13

Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 51:16

Ler i fer tande son lavwa, delo i anmase dan lesyel. I fer monte bann gro nyaz depi lorizon; i fer zekler anmenn lapli; i fer divan sorti dan son bann rezerv.

Zonas 1:4

Me SENYER ti fer soufle en gro divan lo lanmer. Tanpet ti sitan for, ki bato ti pre pour koule.

Zakari 10:1

Demann SENYER fer lapli tonbe dan sezon prentan. SENYER ki provok loraz, ki donn ou lapli annabondans e i pou fer pouse zerb partou.

Levanzil dapre Zan 3:8

Divan i soufle kot i oule, e ou antann son tapaz; me ou pa konnen kote i sorti, ni kote i ale. Sanmenm ki arive kan en dimoun i'n ne par Lespri.”