Psonm 132:12 - Labib An Kreol Seselwa

¹² Si ou bann garson i gard mon lalyans e mon bann lord ki mon pou ansenny zot, alor, zot bann garson osi pou asiz lo ou tronn pour touzour.

Psonm 132:12 ပူးပေါင်းရင်းမြစ်များ

1 Rwa 2:4

Alor, SENYER ava realiz son promes anver mwan, ler i ti dir: Si ou desandan i fer atansyon dan son konportman, e mars devan mwan lwayalman e avek fidelite, avek tou son leker, ou pa pou zanmen mank sikseser lo tronn Izrael.

1 Rwa 8:25

Aprezan SENYER, Bondye pep Izrael! Akonpli osi sa ki ou'n promet ou serviter, mon papa David, ler ou ti dir li: Si ou bann garson i kondwir zot byen e mars devan mwan parey ou, ou'n marse, i pa pou zanmen mank enn ou desandans devan mwan lo tronn Izrael.

2 Kronik 7:18

alor, mon pou etabli ou pouvwar rwayal dapre lalyans ki mon ti fer avek ou papa David, ler mon ti dir: I pou touzour annan enn ou desandan, apre ou, pour gouvern Izrael.

Psonm 102:28

Bann zanfan ou serviter ava viv an sekirite; zot desandan ava viv anba ou proteksyon.

Psonm 115:14

SENYER ava fer ou prospere, ou avek ou bann zanfan.

Ezai 59:21

SENYER i deklare: Kanta mwan, la lalyans ki mon fer avek zot: Mon lespri ki lo ou, mon parol ki mon'n met dan ou labous, pa pou ganny tire ni dan ou labous, ni dan labous ou bann zanfan, ni ou desandan, ozordi e pour touzour. SENYER ki deklare.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 33:17

Annefe, la sa ki SENYER i deklare: Pou touzour annan en desandan David koman lerwa pep Izrael.

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.