Psonm 132:11 - Labib An Kreol Seselwa

¹¹ SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Psonm 132:11 ပူးပေါင်းရင်းမြစ်များ

2 Samyel 7:12

Alafen ou lavi, apre ou lanmor, mon pou swazir enn ou prop zanfan pour ranplas ou, e mon pou konsolid son renny.

2 Samyel 7:14

Mon pou vin son papa, i ava vin mon garson. Si i fer fot, mon pou koriz li avek en baton ki zonm i servi, avek kou ki zonm i donnen.

2 Samyel 7:16

Ou desandans avek ou rwayonm pour reste pour touzour; mon pou etabli ou tronn pour touzour.

1 Rwa 1:48

I ti dir: Mon rann glwar SENYER, Bondye pep Izrael ki'n permet mwan ozordi, war enn mon zanfan asiz lo mon tronn.”

1 Rwa 8:25

Aprezan SENYER, Bondye pep Izrael! Akonpli osi sa ki ou'n promet ou serviter, mon papa David, ler ou ti dir li: Si ou bann garson i kondwir zot byen e mars devan mwan parey ou, ou'n marse, i pa pou zanmen mank enn ou desandans devan mwan lo tronn Izrael.

2 Kronik 6:16

Aprezan, SENYER, Bondye pep Izrael, mon sipliy ou, gard osi sa promes ki ou ti fer avek mon papa, ou serviter David ler ou ti dir li: I pou touzour annan enn dan ou desandans ki pou asiz lo ou tronn koman lerwa pep Izrael, si zot konport zot byen e viv dapre mon komannman parey ou menm ou'n fer.

2 Kronik 7:18

alor, mon pou etabli ou pouvwar rwayal dapre lalyans ki mon ti fer avek ou papa David, ler mon ti dir: I pou touzour annan enn ou desandan, apre ou, pour gouvern Izrael.

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Psonm 89:33

Me mon pa pou retir mon fidelite pour li, ni trai mon lanmour.

Psonm 89:35

Lo mon non ki sen, en fwa pour tou, mon'n fer sa serman: Mon pa pou manti avek David.

Psonm 89:37

I pou en temwen fidel osi lontan ki lalin i briye dan lesyel.

Psonm 89:5

SENYER! Lesyel i selebre ou mervey, e ou fidelite dan lasanble bann sen!

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Levanzil dapre Lik 1:32

I pou gran e i pou ganny apele Garson Bondye Treo. Bondye pou donn li tronn son papa, David.

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

1 Samyel 15:29

Laglwar Izrael pa koz manti e i napa regre. I pa en et imen pour regrete.”