Psonm 123:4 - Labib An Kreol Seselwa

⁴ Nou'n rasazye avek lensilt bann ensolan, avek lensolans ek imilyasyon bann arogan.

Psonm 123:4 ပူးပေါင်းရင်းမြစ်များ

Nehemi 2:19

Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”

Liv Zob 12:5

Sa enn ki dan byen, i mepriz sa enn ki dan maler. I vin ogmant douler sa enn ki pre pour tonbe.

Liv Zob 16:4

Si zot ti dan mon plas, e si mon ti dan zot plas, mwan osi, mon ti pou kapab koz parey zot. Mon ti ava kapab fer gran diskour pour zot e sekwe mon latet kont zot.

Psonm 119:51

Bann arogan pa arete gognard mwan; me mon pa pou aret gard ou bann lalwa.

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Ezai 32:9

Fanm ki viv en lavi alez! Leve! Ekout mwan! Zot bann zenn fiy ardyese! Ekout mon parol!

Zeremi 48:11

Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 48:27

Moab! Ou ti abitye mepriz pep Izrael. Ou ti sanble pran li pour en voler. Annefe, sak fwa ki ou ti koz lo li, ou ti sekwe ou latet avek degou.

Zeremi 48:29

Tou dimoun in tande koman Moab i orgeye, koman i tre fyer, koman i vantar, koman i arogan, koman i pa krwar ki i ete!

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Akt de Zapot 17:21

Annefe, bann Atenyen ek tou bann etranze ki ti viv parmi zot, ti pas zot letan zis rakonte e ekout bann dernyen nouvel.

Akt de Zapot 17:32

Kan zot ti antann Pol koz lo size rezireksyon, serten ti gognard li, me lezot ti dir, “Nou ava ekout ou koz lo sa size en lot fwa.”

Akt de Zapot 26:24

Pol ti pe prezant son defans dan en tel fason ki Festis ti Kriye, “Pol, ou fou! Ou gran konnesans i rann ou fou!”

1 Korentyen 4:13

Kan dimoun i kalonmnye nou, nou reponn avek parol lankourazman. Konmela ankor, nou ganny konsidere koman salte lemonn, e koman rebi limanite.

1 Samyel 17:42

Sa Filisten ti get David avek mepri, akoz pour li, David ti zis en zoli garson avek en ten kler.