Psonm 123:3 - Labib An Kreol Seselwa

³ Pran pitye pour nou, SENYER, pran pitye, akoz nou'n ganny ase maltrete.

Psonm 123:3 ပူးပေါင်းရင်းမြစ်များ

2 Samyel 6:16

Letan Kof SENYER ti pe rantre dan lavil David, Mikal, fiy Sail, ti pe get par lafnet. I ti war lerwa David pe sote e danse devan SENYER. I ti ganny degout pour li dan son leker.

2 Rwa 19:3

Zot ti dir li, la sa ki Ezekyas i dir: Ozordi i en zour tris, en zour pinisyon, en zour laont. Ler lakousman in arive, me manman napa lafors pour donn nesans.

Liv Zob 19:15

Mon bann envite ek mon bann servant i tret mwan koman en etranze.

Psonm 4:1

Mon Bondye ki zis! Reponn mwan ler mon kriy ver ou. Soulaz mwan ler mon dan detres. Pran pitye pour mwan, ekout mon lapriyer.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Lamantasyon 3:30

I devre donn lot lazou avek sa enn ki tap li; i devre aksepte ganny ensilte.

Ezekyel 36:15

Mon pa pou les ou antann bann ensilt bann nasyon, ni bann parol mepri bann pep; ou pa pou les ou nasyon tonbe. Senyer BONDYE ki'n deklare.

Ezekyel 36:6

Pour sa rezon, anonse lo later Izrael! Dir avek bann montanny, bann kolin, bann ranpar ek bann vale: La sa ki Senyer BONDYE i deklare: Dan pasyon mon lakoler, mon koze akoz zot in ganny ensilte par lezot nasyon.

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Levanzil dapre Lik 23:35

Lepep ti pe debout la pour gete. Bann sef Zwif ti boufonn li: I ti sov lezot! Si li menm Mesi, sa enn ki Bondye in swazir, sov son lekor aprezan!