Psonm 122:6 - Labib An Kreol Seselwa

⁶ Demann lape pour Zerizalenm. Bann ki kontan ou ava viv trankil.

Psonm 122:6 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Nehemi 11:1

Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Nehemi 11:2

Lepep ti rekonesan anver bann ki ti ofer zot pour reste volonterman Zerizalenm.

Ester 4:8

Mardose ti osi donn li en kopi sa dekre ki ti ordonn destriksyon bann Zwif e ki ti'n ganny pibliye dan Siz, pour li al montre Ester, eksplik li, demann li pour al sipliy lerwa e pled avek li an faver son pep.

Psonm 51:18

Fer sa ki bon pour Siyon. Rekonstri bann miray Zerizalenm.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Ezai 66:10

Zot tou ki kontan Zerizalenm! Selebre ansanm avek li! Rezoui! Rezoui avek li akoz i dan lazwa, zot tou ki port dey pour li.

Zeremi 29:7

Travay pour fer lape dan lavil kot mon'n anvoy zot annegzil. Priy SENYER pour sa lavil, akoz ou boner i depann lo son boner.

Zeremi 51:50

Ou'n sap lanmor! Ale aprezan! Pa trennen! Menm si ou lwen ek lakour, pa oubliy mwan ki ou SENYER, e rapel ou Zerizalenm.

Nonm 24:9

I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Efezyen 4:3

Fer tou pour prezerv linite ki Lespri i donnen par lape ki ini zot.

2 Tesalonisyen 3:16

Aprezan, Senyer ki sours lape, ava li menm donn zot lape, dan tou letan e dan tou fason. Mon demande ki Senyer i reste avek zot tou.

1 Zan 3:14

Nou konnen ki nou'n sorti dan lanmor pour pas dan lavi. Nou konn sa, akoz nou kontan nou frer. Sa enn ki pa kontan, i ankor anba pouvwar lanmor.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.