Psonm 121:7 - Labib An Kreol Seselwa

⁷ SENYER pou protez ou kont tou maler. I pou vey lo ou lavi.

Psonm 121:7 ပူးပေါင်းရင်းမြစ်များ

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

1 Kronik 4:10

Yabes ti priy Bondye Izrael: Si ou vreman akord mwan ou benediksyon, ou ava agrandi mon teritwar; ou lanmen ava avek mwan; maler ek soufrans ava reste lwen avek mwan! Bondye ti akord Yabes tou sa ki i ti demande.

Psonm 145:20

SENYER i vey lo tou dimoun ki kontan li; me i pou detri bann malfeter.

Psonm 34:22

SENYER i sov lavi son bann serviter. Sa enn ki met son konfyans dan li pa pou ganny pini.

Psonm 41:2

SENYER i protez li, i gard li vivan e rann li ere lo later. I pa pou les li tonm dan lanmen son bann lennmi.

Psonm 97:10

Ou ki kontan SENYER! Deteste lemal. I vey lo lavi bann ki obei li; i delivre zot dan lanmen bann malfeter.

Proverb 12:21

Maler pa tonm lo sa enn ki zis; me malfeter i ganny antoure avek maler.

Nonm 6:24

SENYER ava beni ou e protez ou!

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

2 Timote 4:18

Senyer pou delivre mwan dan tou latak visye. I pou sov mwan pour son rwayonm dan lesyel. Laglwar i pour Bondye pour touzour e touzour! Amenn.