Psonm 12:3 - Labib An Kreol Seselwa

³ SENYER! Elimin bann flater ek sa bann gran labous ki dir:

Psonm 12:3 ပူးပေါင်းရင်းမြစ်များ

Liv Zob 32:22

Annefe, mon pa abitye flate; sinon, mon Kreater ti pou deswit fer mwan disparet.

Psonm 116:11

Dan mon dezespwar mon ti dir: Zonm i manter.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Psonm 17:10

Zot leker i san okenn pitye. Zot labous i koz avek larogans.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Egzod 15:9

Lennmi ti dir: Mon pou pourswiv zot, mon pou ganny zot. Mon pou ganny en par dan piyaz lager e mon pou rasazye. Mon pou tir mon lepe e mon pour detri zot.

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Proverb 26:24

Sa enn ki annan laenn i kasyet li dan son mannyer koze; dan fon son leker, i pe prepar en move kou.

Ezai 10:10

Mon'n kapab met mon lanmen lo bann rwayonm avek bann zidol ki ti annan plis stati ki dan Zerizalenm ek Samari.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Zeremi 9:8

Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 28:9

Eski devan bann ki pe touy ou, ou pou kontinyen dir: Mon en bondye, menm si ou pa bondye, me zis en imen dan lanmen bann ki pe touy ou?

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Malasi 3:13

SENYER i deklare: Zot in dir bann parol ensolan kont mwan. Pourtan zot demande: Ki nou'n dir kont ou?

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.

Revelasyon 13:5

Sa bebet ti ganny en labous pour li kapab pronons bann parol arogan, e blasfenm Bondye. I ti ganny lotorite pour egzers son pouvwar pandan 42 mwan.

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.