Psonm 119:144 - Labib An Kreol Seselwa

¹⁴⁴ Ou bann lord i zis pour touzour. Donn mwan disernman pour mwan viv.

Psonm 119:144 ပူးပေါင်းရင်းမြစ်များ

Psonm 119:138

Bann lord ki ou'n donnen i zis e vreman fidel.

Psonm 119:151

Me ou SENYER! Ou pros e tou ou bann komannman i laverite.

Psonm 119:152

Depi lontan, mon konnen ki ou'n etabli ou bann lord pour touzour.

Psonm 119:169

SENYER! Mon bann plent i monte ziska kot ou. Donn mwan disernman parey ou'n promet.

Psonm 119:17

Montre ou serviter ou labonte, pour ki i gard ou parol.

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.

Psonm 119:66

Ansenny mwan pour mwan ganny en bon disernman ek konnesans, akoz mon fer konfyans ou komannman.

Psonm 119:73

Ou lanmen in form mwan e in fer mwan for. Donn mwan disernman pour mwan aprann ou bann komannman.

Psonm 19:9

Respe pour SENYER i pir; i dire pour touzour. Bann desizyon SENYER i vre, e zot touzour zis.

Proverb 10:21

Parol sa enn ki zis i nouri en lafoul; me bann fou i mor akoz zot latet i vid.

Proverb 4:4

Mon papa ti ansenny mwan; i ti dir mwan: Gard mon bann parol lo ou leker; obzerv mon bann komannman e ou ava viv.

Proverb 7:2

Gard mon bann komannman e ou ava viv; gard mon lansennyman koman ou kannet lizye.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Matye 13:19

Dimoun ki antann koz lo Rwayonm, me ki pa konpran, zot parey bann lagrenn ki tonm lo semen. Dyab i vini e retir tou sa ki'n ganny senmen dan zot leker.

Matye 5:18

Mon dir zot, sa i laverite: Osi lontan ki lesyel ek later i egziste, pa menm en pli pti let, ni en pli pti detay Lalwa pou ganny detri, ziska ki tou sa bann lansennyman i ganny akonpli.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.