Psonm 115:14 - Labib An Kreol Seselwa

¹⁴ SENYER ava fer ou prospere, ou avek ou bann zanfan.

Psonm 115:14 ပူးပေါင်းရင်းမြစ်များ

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

2 Samyel 24:3

Zoab ti dir lerwa, “SENYER ou Bondye, ava fer lepep vin 100 fwa pli nonbre; ou menm, mon rwa, mon senyer, ou ava war sa. Me mon rwa, akfer oule fer sa?”

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Zakari 10:8

Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Akt de Zapot 3:25

Sa promes ki Bondye ti fer par bann profet i pour zot. Zot annan par dan sa lalyans ki Bondye ti fer avek zot bann zanset, kan i ti dir avek Abrahanm: Mon pou beni tou pep later atraver ou desandan.

Deterononm 1:11

Mon swete ki SENYER, Bondye zot zanset, ava ogmant zot mil fwa plis e ki i ava beni zot, parey in promet zot!

Revelasyon 7:4

Mon ti antann dir lakantite bann ki ti ganny marke avek sele Bondye: 144,000 parmi tou bann tribi Izrael.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.