Psonm 113:9 - Labib An Kreol Seselwa

⁹ I donn en lakaz sa fanm steril. I parey en manman ki partaz lazwa son bann zanfan. Loue SENYER!

Psonm 113:9 ပူးပေါင်းရင်းမြစ်များ

Zenez 25:21

Izaak ti priy SENYER pour son fanm, akoz i pa ti kapab ganny zanfan. SENYER ti pran pitye pour li e Rebeka son fanm ti tonm ansent.

2 Rwa 4:17

Sa fanm ti tonm ansent. I ti ganny en garson dan menm lepok lannen swivan, parey Elize ti'n dir li.

Psonm 68:6

Bondye i donn en fanmir sa enn ki tousel. I ouver laport laliberte pour bann prizonnyen. Me bann ki revolte i viv dan en later sek.

Ezai 54:1

Sante, fanm steril! Ou ki pa'n zanmen ganny zanfan, Kriye e fer tande sanson lazwa! Ou ki pa'n konn douler lakousman. Sa fanm abandonnen pou annan plis zanfan, ki fanm marye. La sa ki SENYER i deklare:

Nonm 5:28

Me si sa fanm pa'n dezonor son lekor e ki i pir, i ava ganny deklare inosan e i ava kapab fer zanfan.

Galat 4:27

Annefe, Lekritir i deklare: Rezoui, fanm steril ki napa zanfan! Kriye avek lazwa, ou ki pa'n ganny douler lakousman! Sa fanm ki son mari in abandonn li, pou ganny plis zanfan ki sa fanm ki annan son mari.

1 Samyel 2:5

Sa ki ti'n rasazye pe rod travay pour ganny manze, Bann ki ti lafen nepli lafen. Fanm ki pa ti annan zanfan in ganny set zanfan, Me sa ki ti annan bokou zanfan i deperi.