Psonm 112:9 - Labib An Kreol Seselwa

⁹ Zot in donn avek bonker; zot in donn bann pov. Zot lazistis i reste pour touzour Zot lafors i ogmante avek loner.

Psonm 112:9 ပူးပေါင်းရင်းမြစ်များ

Psonm 111:3

Akoz i fer konnen son loner ek son mazeste, i reste touzour fidel.

Psonm 112:3

Son lakaz i ranpli avek larises ek byennet; son lazistis i pour touzour.

Psonm 75:10

Bondye pou detri lorgey bann malfeter; me i pou fer ogmante pouvwar bann zis.

Psonm 92:10

Ou'n fer mwan for parey en toro sovaz; ou'n vers delwil parfimen lo mwan.

Psonm 92:11

Mon'n war mon bann lennmi tonbe; mon'n antann bann ki atak mwan kriye.

Proverb 14:24

Larises i rekonpans sa enn ki saz. Sa enn ki fou i reste dan son lafoli.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Proverb 21:26

I touzour anvye lezot; me sa enn ki zis i donnen san gard nanryen pour li.

Eklezyas 11:6

Alor, byen granmaten senm ou legren e menm aswar, pa arete. Ou pa konnen lekel ant zot ki pou reisi, oubyen lekel ki bon.

Eklezyas 3:6

I annan en letan pour rode e en letan pour perdi; en letan pour garde en letan pour zete.

Ezai 32:8

Me dimoun onnet i annan lentansyon nob; son aksyon i drwat.

Ezai 58:10

si ou partaz ou manze avek sa enn ki lafen e konsol sa ki dan lapenn, alor ou lalimyer pou briy dan teneb e fernwanr ava parey soley midi.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Matye 6:4

Ou bon aksyon i devre reste sekre. Ou Papa ki war ou aksyon dan sekre, ava rekonpans ou.

Mark 14:7

Annefe, zot pou touzour annan bann pov parmi zot. Si zot anvi, zot pou touzour kapab fer dibyen bann pov. Me mwan, mon pa pou toultan avek zot.

Levanzil dapre Lik 11:41

Alor, donn bann pov sa ki dan ou lasyet, e tou ava vin prop pour zot.

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

Levanzil dapre Lik 16:9

Alor Zezi ti azoute, “Mon dir zot, servi larzan malaki pour fer zanmi. Konmsa, kan pou nepli annan larzan, sa bann zanmi ava resevwar ou dan zot demer eternel.

Levanzil dapre Lik 18:22

Kan Zezi ti antann sa, i ti dir li, “Alor, i mank ou en sel keksoz: Vann tou sa ki ou posede e partaz sa larzan avek bann pov. Alor ou ava ganny en trezor dan lesyel. Apre vini, swiv mwan.”

Levanzil dapre Zan 13:29

Annefe, Zida ti responsab larzan, serten disip ti mazinen ki Zezi ti pe dir li al aste sa ki zot bezwen pour lafet, oubyen pour donn keksoz bann pov.

Akt de Zapot 20:35

Dan tou sirkonstans, mon'n montre zot ki fodre travay pour kapab ed bann ki pli pov e rapel zot parol Senyer Zezi li menm: I annan plis lazwa pour donnen ki pour resevwar.”

Akt de Zapot 4:35

Zot ti donn sa larzan avek bann zapot ki ti distribye avek sakenn zot, dapre son bezwen.

Romen 12:13

Ed zot bann frer ki dan bezwen e pratik lospitalite.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Deterononm 15:11

Akoz pou touzour annan dimoun ki dan bezwen lo sa later, alor, mon ordonn ou: Ouver ou lanmen anver ou prosen pov e anver sa enn ki dan bezwen dan ou pei.

Deterononm 15:14

Ou ava donn li bann kado sorti parmi ou troupo, dan ou rezerv dible ek diven. Konmsa, ou ava'n donn li en pe sa bann prodwi ki SENYER, ou Bondye in donn ou.

Deterononm 24:13

Ou ava rann li sa lobze ler soley i kouse. Konmsa i ava kapab dormi dan son lenz e i ava beni ou. Sa i ava en bonn aksyon devan SENYER, ou Bondye.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

Ebre 13:16

Me pa manke fer dibyen e ed kanmarad, akoz se bann sakrifis parey ki fer plezir Bondye.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

Revelasyon 22:11

Malfeter ava kontinyen pratik plis lemal. Dimoun sal ava kontinyen reste dan zot salte. Sa enn ki bon ava kontinyen pratik plis sa ki byen e sa enn ki sen ava kontinyen vin touzour pli sen.

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.