Psonm 110:3 - Labib An Kreol Seselwa

³ Ou pep i volonter zour ou al lager. Bann zennzan pou vin ver ou lo montanny sen.

Psonm 110:3 ပူးပေါင်းရင်းမြစ်များ

1 Kronik 16:29

Donn SENYER laglwar pour son non! Prezant li bann lofrann e antre dan son prezans! Prostern devan sentete SENYER ler i aparet!

Nehemi 11:2

Lepep ti rekonesan anver bann ki ti ofer zot pour reste volonterman Zerizalenm.

Psonm 29:2

Proklanm gran non SENYER. Prostern devan prezans SENYER ler i manifeste son sentete.

Psonm 96:9

Prosternen devan SENYER kan i manifeste son sentete. Later antye! Tranble devan li.

Ezekyel 43:12

La regleman pour tanp: Tou lespas lo latet sa montanny ek teritwar toultour, i devre ganny konsidere tre sakre. Sa i lalwa tanp.

Mise 5:6

Zot pou diriz Asiri avek lepe, e pei Nenmrod avek zarm. Si bann Asiriyen i vin dan nou pei, si zot travers nou frontyer e penetre dan nou teritwar, konmsa, ki nou pou ganny delivre.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Akt de Zapot 19:20

Konmsa ki parol Senyer ti fannen avek gran pwisans e konverti bokou dimoun.

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 21:20

Apre ki zot ti'n antann li, zot ti rann glwar Bondye. Answit, zot ti dir Pol, “Frer! Ou war ki i annan plizyer milye Zwif ki'n aksepte lafwa. Me zot tou, zot atase avek Lalwa.

Akt de Zapot 4:4

Me bokou parmi bann ki ti'n antann sa mesaz ti krwar, e lakantite krwayan ti ariv anviron 5,000 zonm.

2 Korentyen 13:4

I vre ki kan i ti ganny krisifye, i ti dan febles; me aprezan i vivan par pwisans Bondye. Nou osi nou feb akoz nou ini avek li; me pour zot, nou pou viv avek li par pwisans Bondye.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

2 Korentyen 8:16

Nou remersye Bondye ki'n met dan leker Tit sa menm motivasyon anver zot, parey mwan.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Filipyen 2:13

Annefe, Bondye i travay dan zot. I donn zot lavolonte e i rann zot kapab pour akonpli tou, dapre son prop plan.

1 Tesalonisyen 4:7

Bondye pa'n apel nou pour viv dan limoralite, me dan lasentete.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.

Ziz 5:2

Loue SENYER! Izrael i delarg son seve, avek determinasyon pare pour al lager.

Ziz 5:9

Beni SENYER! Mon leker i tourn ver bann komandan dan Izrael; ver sa bann ki parmi lepep, ki port zot volonter.