Psonm 11:4 - Labib An Kreol Seselwa

⁴ SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 11:4 ပူးပေါင်းရင်းမြစ်များ

1 Kronik 17:5

Mon pa'n reste dan en lakaz depi zour ki mon ti delivre Izrael, ziska ozordi; me mon'n sorti dan en latant pour al dan en lot latant e sorti dan en lakaz pour al dan en lot lakaz.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Liv Zob 24:23

I ti les zot krwar ki zot an sekirite. Me son lizye pa sorti lo sa ki zot fer.

Psonm 103:19

SENYER in etabli son tronn dan lesyel i renny lo later antye.

Psonm 113:5

Lekel ki parey SENYER nou Bondye? Son tronn i lao.

Psonm 139:23

Mon Bondye! Teste mwan e ou ava konnen ki mon annan lo mon leker. Egzamin mwan e ou ava dekouver mon lentansyon.

Psonm 14:2

Lao dan lesyel, SENYER i get zabitan later pour li war si i annan dimoun ki konpran e ki vin rod Bondye.

Psonm 18:6

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

Psonm 2:4

Depi son tronn dan lesyel kot i asize, SENYER i riye, i pa pran ka.

Psonm 33:13

Depi lesyel, SENYER i gete: I war tou dimoun.

Psonm 44:21

Bondye ki konn sekre leker imen, pa ti ava'n remarke?

Psonm 66:7

Par son lafors, i gouvern pour touzour; i gard son lizye lo bann nasyon. Pa les bann rebel fer vantar.

Psonm 9:11

Sant pour SENYER ki renny dan Zerizalenm! Rakont son bann mervey parmi bann pep!

Proverb 15:3

Lizye SENYER i partou; i obzerv dimoun bon koman move.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Mise 1:2

Ekoute! Zot tou bann nasyon! Later ek tou son zabitan! Ekoute. Senyer BONDYE pou akiz zot depi son tanp sen.

Habakouk 2:20

Me SENYER i prezan dan son tanp sen. Later antye! Fer silans devan li.

Zakari 2:13

Gard silans devan SENYER, akoz in leve sorti dan son sanktyer sakre.

Matye 23:21

Sa enn ki fer en serman par Tanp, i fer en serman par sanktyer, e par Bondye ki reste ladan.

Matye 5:34

Me mwan mon dir zot: Pa fer okenn serman ni par lesyel, akoz lesyel i tronn Bondye;

Akt de Zapot 7:49

Lesyel i mon tronn, Senyer i deklare. Later i marspye anba mon lipye. Ki kalite lakaz ou kapab konstri pour mwan? Kote mon pou kapab repoze?

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Revelasyon 4:2

Deswit, Lespri ti sezi mwan. Ti annan en tronn dan lesyel, e en personnaz ti pe asize lo sa tronn.