Psonm 109:26 - Labib An Kreol Seselwa

²⁶ Vin ed mwan, SENYER, mon Bondye! Ou kontan mwan. Sov mwan!

Psonm 109:26 ပူးပေါင်းရင်းမြစ်များ

Psonm 119:86

Tou ou bann komannman i montre ou fidelite. Mon pe ganny persekite san rezon. Sekour mwan!

Psonm 40:12

En kantite maler in serkle mwan partou; i tro bokou pour konte. Mon bann pese in retonm lo mwan; zot anpes mwan war kler; zot plis ki seve lo mon latet e mon'n perdi kouraz.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Psonm 69:13

SENYER! Mwan, mon adres ou mon lapriyer. Mon Bondye! Reponn mwan dan ou letan favorab. Dan labondans ou fidelite, reponn mwan, ou ki vreman mon Sover.

Psonm 69:16

SENYER, Reponn mwan! Ou fidelite i fer mwan dibyen. Dan ou gran konpasyon, tourn ver mwan!

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.