Psonm 109:18 - Labib An Kreol Seselwa

¹⁸ Pour li, donn malediksyon ti'n vin parey ou met en lenz. I ava penetre son lekor parey delo, parey delwil dan son lezo!

Psonm 109:18 ပူးပေါင်းရင်းမြစ်များ

Liv Zob 29:14

Lazistis ti en lenz pour mwan; respe pour lalwa ti koman en rob ek en tirban.

Psonm 109:19

I ava parey en lenz ki i met otour li, parey en sang ki i mete tou le zour.

Psonm 73:6

Alor, lorgey i koman en kolye dan zot likou; vyolans i sel lenz ki zot mete.

Nonm 5:22

Sa delo ki donn malediksyon ava desann dan ou vant e fer li anfle e ou pou deperi. Sa fanm ava reponn: Amenn! Amenn!

Nonm 5:27

Apre ki pret in fer li bwar sa delo, la sa ki pou arive: Si i koupab e ki i'n tronp son mari, sa delo ki donn malediksyon pou penetre dan li e donn li douler; son vant pou gonfle e son kwis pou deperi. Sa fanm pou vin parey in dir dan son serman. I ava vin en legzanp malediksyon parmi son pep.

Matye 26:24

Parey in ganny ekri dan Lekritir, Fis-de-Lonm pou ale. Me maler pour sa zonm par ki Fis-de-Lonm i ganny trai! I ti ava preferab pour li, si i pa ti'n zanmen ne!”

Akt de Zapot 1:18

Avek larzan ki i ti'n ganny peye pour son krim, Zida ti aste en morso later, kot i ti tonm par latet e i ti mor. Son lekor ti pete e tou son zentesten ti fannen.

Akt de Zapot 1:25

pour pran koman fonksyon en zapot, plas ki Zida in kite, pour al dan sa enn ki ti pour li.”

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Kolosyen 3:8

Me aprezan, debaras zot avek tousala: Lakoler, vyolans ek mesanste. Pa les okenn parol kalonmni ek parol obsenn sorti dan zot labous.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.