Psonm 109:16 - Labib An Kreol Seselwa

¹⁶ Annefe, sa dimoun pa'n zanmen mazin fer sa ki byen, me in persekit dimoun ki pov, ki dan bezwen e bann malere ziska lanmor.

Psonm 109:16 ပူးပေါင်းရင်းမြစ်များ

Zenez 42:21

Zot ti dir ant zot: I vre nou koupab konsernan nou frer. Nou ti war son soufrans kan i ti sipliy avek nou, me nou pa ti ekout li. La aprezan sa maler in tonm lo nou.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 10:2

Bann malfeter pa onte pour eksplwat bann pov e fer soufer bann malere. Zot in ganny pri dan zot prop latrap.

Psonm 34:18

SENYER i pros avek sa enn ki'n dekouraze. I sov sa enn ki'n perdi tou lespwar.

Psonm 37:14

Bann malfeter i tir zot lepe; zot prepar zot dart pour touy sa enn ki pov e ki malere, pour touy sa enn ki mars lo bon semen.

Psonm 37:32

En malfeter i espyonn sa enn ki zis; i rode ki mannyer pour touy li.

Matye 5:7

Byennere bann ki annan konpasyon pour lezot, akoz Bondye pou annan konpasyon pour zot!

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.