Psonm 109:12 - Labib An Kreol Seselwa

¹² Pa les personn montre li en pe labonte, ni pran pitye pour son bann orfelen!

Psonm 109:12 ပူးပေါင်းရင်းမြစ်များ

Liv Zob 5:4

Son bann zanfan pa ganny okenn sekour; devan tribinal, zot ava ganny akize, san personn pour defann zot.

Ezai 13:18

Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Matye 27:25

Lafoul antye ti reponn, “Nou demande ki son disan i tonm lo nou e lo nou bann zanfan!”

Levanzil dapre Lik 6:38

Donnen e ou osi, ou ava gannyen. Zot ava vid dan ou sak en bon mezir, byen ranpli, foule e deborde. Menm mezir ki ou servi avek lezot, pou ganny servi avek ou.”

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.