1 Mon Bondye ki mon loue! Pa gard silans.
SENYER! Ou menm mon Bondye! Mon loue ou. Mon Bondye! Mon proklanm ou grander.
SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.
Mon Bondye! Pa gard silans. Mon Bondye! Pa reste trankil san nanryen fer.
La ou bann lennmi pe revolte; dimoun ki ay ou pe vir kont ou.
SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.
Depi en bon pe letan mon pe reste trankil. Mon pa'n dir nanryen, mon'n gard silans. Me aprezan, parey en fanm dan douler lakousman, mon pou kriye, mon pou plennyen, mon pou soufle akoz mon pa kapab byen respire.
SENYER! Zis ou ki kapab geri mwan. Zis ou ki kapab sov mwan. Ou menm ki fer mwan sant ou laglwar.
Zot ava loue li; i zot Bondye. I'n fer pour ou bokou bann gran mervey ki zot in war avek zot prop lizye.
