Psonm 108:6 - Labib An Kreol Seselwa

⁶ Par ou pwisans, donn nou laviktwar; reponn nou e delivre bann ki ou kontan.

Psonm 108:6 ပူးပေါင်းရင်းမြစ်များ

2 Samyel 12:25

Par lentermedyer profet Natan, i ti apel sa zanfan Yedidya, akoz SENYER i kontan li.

1 Rwa 18:24

Zot ava envok non ou bondye e mwan, mon ava envok non SENYER. Sa enn ki ava reponn par dife, li menm Bondye.” Lepep ti reponn, “Dakor!”

1 Rwa 18:26

Zot ti pran sa toro ki zot ti'n gannyen e zot ti prepar li. Zot ti envok Baal depi bomaten ziska midi: “Baal! Reponn nou.” Me pa ti annan okenn lavwa, ni repons. Zot ti sote otour lotel ki zot ti'n fer.

1 Rwa 18:29

Midi ti'n pase, zot ti konmans profetize ziska ler lofrann sakrifis apremidi. Me ti napa ni lavwa, ni repons, ni okenn siny latansyon.

Psonm 54:1

Mon Bondye! Par ou pwisans, sov mwan. Par ou lafors, pran desizyon dan mon faver.

Psonm 57:6

Zot ti'n met en latrap lo mon semen pour fer mwan pliye. Zot ti'n fouy en trou lo mon semen, me zot menm ki'n tonm ladan.

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Romen 1:7

Mon ekri zot zabitan Ronm, zot tou ki Bondye i kontan e ki i'n swazir pour viv pour li: Mon demande ki Bondye nou Papa, e Senyer Zezi-Kri i akord zot son lagras ek son lape.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.