Psonm 108:13 - Labib An Kreol Seselwa

¹³ Avek Bondye nou pou ganny gran laviktwar. Li menm ki pou kraz nou bann lennmi.

Psonm 108:13 ပူးပေါင်းရင်းမြစ်များ

2 Kronik 20:12

Nou demann ou, nou Bondye: Pa in ler pour ou etabli lazistis kont zot? Nou santi nou, feb devan sa gran larme ki pe vin atak nou, nou pa konnen ki nou pou fer, me nou lizye i reste fikse lo ou.

Psonm 144:1

Mon loue SENYER, mon Ros protekter. I prepar mon lanmen pour lager. I prepar mon bann ledwa pour konba.

Psonm 18:42

Mon kraz zot parey lapousyer ki pe anvole dan divan. Mon mars lo zot parey labou lo semen.

Psonm 60:12

Avek Bondye, nou pou ganny gran laviktwar. Li menm ki pou kraz nou bann lennmi.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Ziz 15:8

I ti bat zot e touy en kantite zot. Apre, i ti desann e al reste Etanm, dan en kavern ros.