Psonm 107:2 - Labib An Kreol Seselwa

² Repete, zot tou, ki SENYER in delivre, zot ki i'n aras dan lanmen lennmi,

Psonm 107:2 ပူးပေါင်းရင်းမြစ်များ

Psonm 106:10

I ti sov zot dan lanmen bann ki ti oule detri zot. I ti delivre zot dan lanmen zot bann ladverser.

Psonm 130:8

Li menm ki pou delivre Izrael dan tou son bann pese.

Psonm 31:5

Mon plas mon lavi dan ou lanmen. Ou'n delivre mwan, SENYER, Bondye fidel.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Ezai 35:9

Okenn lyon pa pou vin la; ni okenn lot zannimo sovaz. Zis dimoun ki SENYER in libere ki pou kapab pran sa semen.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Ezai 63:4

Sa zour, vanzans ti dan mon leker; lannen delivrans pour mon pep ti'n arive.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Zeremi 31:11

SENYER in delivre bann zabitan Izrael dan lanmen en lennmi ki ti tre pwisan.

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Levanzil dapre Lik 1:68

Mon rann glwar mon Senyer, Bondye pep Izrael, akoz in vin vizit e delivre son pep.

Levanzil dapre Lik 1:74

in delivre nou dan lanmen nou bann lennmi, pour nou kapab servi li san lafreyer;

Levanzil dapre Lik 24:21

Nou, nou ti annan lespwar ki li menm ki ti pou delivre Izrael. Anplis, ozordi i fer trwa zour depi ki tousala in arive.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Deterononm 15:15

Pa oubliye ki ou osi, ou ti lesklav Lezip e ki SENYER, ou Bondye ti sov ou. Pour sa rezon ki mon pe donn ou ozordi sa komannman.

Deterononm 7:8

Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.