Psonm 106:9 - Labib An Kreol Seselwa

⁹ I ti komann lanmer Rouz e lanmer ti vin sek. I ti fer zot travers dan fon lanmer, konmsi zot ti pe travers dezer.

Psonm 106:9 ပူးပေါင်းရင်းမြစ်များ

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 18:15

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

Psonm 66:6

In fer lanmer vin later sek; dimoun ti travers larivyer apye. Alor, nou ti fer lafet.

Psonm 78:13

I ti separ lanmer an de pour fer zot traverse; i ti fer delo debout parey en miray.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.