Psonm 106:41 - Labib An Kreol Seselwa

⁴¹ I ti livre zot dan lanmen bann nasyon etranze e zot bann lennmi ti domin lo zot.

Psonm 106:41 ပူးပေါင်းရင်းမြစ်များ

2 Samyel 24:14

David ti reponn Gad, “Mon dan en gran detres. Mon demann ou les nou tonm dan lanmen SENYER, akoz i annan gran konpasyon; me ki mon pa tonm dan lanmen zonm.”

Ezekyel 16:27

Alor, mon ti montre ou mon pwisans, mon ti koup ou provizyon, mon ti livre ou devan lapeti ou bann lennmi; menm bann fiy Filisten ti onte pour zot bann aksyon degoutan.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:29

Lizour ou pou tate, parey bann aveg dan fernwanr, me ou pa pou kapab trouv ou semen. Dimoun pou kontinyelman eksplwat ou e vol ou; personn pa pou vin ed ou.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Ziz 15:11

300 zonm Zida ti desann kot kavern Etanm. Zot ti dir Sanmson, “Ou pa konnen ki bann Filisten in vin nou met? Ki ou'n fer nou la?” I ti reponn zot, “Mon'n tret zot parey zot in tret mwan.”

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 3:12

Pep Izrael ti rekonmans fer bann aksyon ki ti depler SENYER. Akoz Izrael ti pe mal fer, SENYER ti ankouraz Eglonn, lerwa Moab, pour azir kont zot.

Ziz 3:14

Bann Izraelit ti soumet anba dominasyon Eglonn, lerwa Moab pandan 18 an.

Ziz 3:8

SENYER ti ankoler kont zot. I ti vann zot avek Kousann-Riseataim, lerwa Mezopotami. Bann Izraelit ti servi zot anba dominasyon Kousann-Riseataim pandan wit an.