Psonm 103:20 - Labib An Kreol Seselwa

²⁰ Loue SENYER, zot bann lanz! Zot ki pwisan, fer son lavolonte, e obei tou son parol!

Psonm 103:20 ပူးပေါင်းရင်းမြစ်များ

2 Rwa 19:35

Sa menm swar, lanz SENYER ti sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Psonm 148:2

Tou bann lanz! Loue SENYER. Tou liniver! Loue li.

Psonm 148:5

Zot tou! Loue non SENYER. Akoz i ti donn lord e zot ti ganny kree.

Psonm 29:1

Loue SENYER, zot bann garson Bondye! Proklanm son laglwar ek son pwisans.

Psonm 78:25

I ti donn imen dipen ki bann lanz i manze. I ti anvoy zot manze annabondans.

Ezai 6:2

Bann serafen ti pare pour servi li. Zot ti annan sis lezel: De ti servi pour kouver zot figir, de ti servi pour kouver zot lipye e de pour zot anvole.

Danyel 11:1

Kanta mwan, pandan premye lannen renny Dariis, lerwa Med, mon ti avek li pour ed li e donn li sipor.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Matye 26:53

Eski zot pa konnen ki mon kapab demann mon Papa led, e deswit i ava anvoy mwan plis ki douz lezyon lanz?

Matye 6:10

e ki ou renny i ganny etabli; ou lavolonte ava ganny akonpli lo later, parey dan lesyel.

Levanzil dapre Lik 1:19

Alor lanz ti reponn li, “Mwan, Gabriyel ki debout dan prezans Bondye pour servi li. In anvoy mwan pour koz avek ou, e anons ou sa bon nouvel.

Ebre 1:14

Bann lanz, ki zot ete? Pa zot bann lespri ki servi Bondye, e ki ganny anvoye pour ed tou bann ki pou ganny sove?