Psonm 103:19 - Labib An Kreol Seselwa

¹⁹ SENYER in etabli son tronn dan lesyel i renny lo later antye.

Psonm 103:19 ပူးပေါင်းရင်းမြစ်များ

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

1 Kronik 29:12

Larises ek loner i sorti kot ou; ou ki domin lo tou keksoz. Pouvwar ek pwisans i dan ou lanmen; ou lanmen ki kapab rann nou gran e for.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 115:3

Nou Bondye i dan lesyel; i fer tou sa ki fer li plezir.

Psonm 2:4

Depi son tronn dan lesyel kot i asize, SENYER i riye, i pa pran ka.

Psonm 47:2

SENYER, Bondye Treo i formidab. I en gran lerwa lo later antye.

Psonm 9:7

Me SENYER i renny pour touzour. In etabli son tronn pour li rann zizman.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.