Psonm 103:1 - Labib An Kreol Seselwa

¹ Mon loue SENYER. Mon remersye SENYER. Mon loue son non sen avek tou mon leker.

Psonm 103:1 ပူးပေါင်းရင်းမြစ်များ

Psonm 103:22

Loue SENYER, zot tou son bann kreatir, partou kot zot ete dan son rwayonm! Mwan osi, mon dir: Mersi SENYER!

Psonm 104:1

Mon loue SENYER. SENYER, mon Bondye! Ou vreman gran, antoure avek mazeste ek loner.

Psonm 111:1

Loue SENYER! Mon pou loue SENYER avek tou mon leker parmi bann ki leker i pir.

Psonm 138:1

SENYER! Mon remersye ou avek tou mon leker; mon loue ou devan tou bann lanz.

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

Psonm 47:7

Bondye i lerwa later antye. Sant en zoli psonm pour loue li.

Psonm 63:5

Mon pou rasazye parey avek bann pli bon pla; mon pou selebre e sant louanz avek lazwa.

Psonm 99:3

Loue son non ki gran e formidab. SENYER, i sen.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Levanzil dapre Zan 4:24

Bondye i Lespri e tou dimoun ki ador li, i devre ador li gide par Lespri e dan laverite.”

1 Korentyen 14:15

Alor, ki fodre mon fer? Mon pou priy avek mon lespri, me mon pou osi priy avek mon lentelizans. Mon pou sant avek mon lespri, me mon pou osi sant avek mon lentelizans.

Filipyen 1:9

La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

Kolosyen 3:16

Mon demande ki parol Kris i reste dan zot avek tou son larises. Enstri, e averti kanmarad avek lasazes. Avek rekonesans, loue Bondye avek psonm, kantik ek sanson enspire par Lespri.

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.