Psonm 100:4 - Labib An Kreol Seselwa

⁴ Antre par bann laport tanp avek bann kantik remersiman. Antre dan lakour son tanp avek bann kantik louanz. Remersye li e loue son non.

Psonm 100:4 ပူးပေါင်းရင်းမြစ်များ

1 Kronik 29:13

Aprezan, nou Bondye, nou remersye ou e nou rann glwar ou gran non.

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

Psonm 122:2

Zerizalenm! Nou lipye in aret devan ou laport.

Psonm 122:4

La kot bann tribi i monte, bann tribi SENYER. Zot vin selebre non SENYER dapre lareg ki'n ganny etabli pour Izrael.

Psonm 65:1

Mon Bondye! Ou ki dan Zerizalenm, ou merit ganny loue. Nou devre gard nou promes anver ou.

Psonm 66:13

Mon pou antre dan ou sanktyer avek bann sakrifis konplet. Mon pou gard bann ve ki mon ti'n fer.

Psonm 95:2

Annou apros li avek rekonesans! Annou kriy nou lazwa pour li avek bann kantik louanz.

Psonm 96:2

Sant an loner SENYER! Loue son non. Anons son delivrans zour apre zour.

Psonm 96:8

Rekonnet laglwar ki non SENYER i merite. Anmenn zot lofrann e antre dan lakour tanp.

Psonm 99:3

Loue son non ki gran e formidab. SENYER, i sen.

Ezai 35:10

Tou bann ki SENYER in libere pou retournen. Zot pou ariv Siyon dan lazwa. Zot figir pou reyonnen avek en boner san limit. Zot pou ranpli avek en gran lazwa. Soufrans ek latristes pou'n disparet.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.