Psonm 100:3 - Labib An Kreol Seselwa

³ Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Psonm 100:3 ပူးပေါင်းရင်းမြစ်များ

2 Rwa 19:19

Aprezan SENYER, nou Bondye, mon sipliy ou, sov nou anba lanmen Senakerib. Konmsa, tou bann rwayonm lo later ava konnen ki zis ou, SENYER, ki Bondye.

1 Kronik 16:14

Se li SENYER, nou Bondye; i egzers son zizman lo later antye.

Liv Zob 10:3

Ki plezir ou gannyen pour fer mwan soufer, pour ou mepriz ou prop kreatir e fer reisi proze bann malfeter?

Psonm 119:73

Ou lanmen in form mwan e in fer mwan for. Donn mwan disernman pour mwan aprann ou bann komannman.

Psonm 12:4

Nou konn koze, nou pli for; personn pa fer nou per.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 78:52

Apre sa, i ti fer sorti son pep koman en troupo e gid zot dan dezer koman bann mouton.

Psonm 79:13

Alor, nou ou troupo, nou ava loue ou pour touzour. Nou ava sant ou louanz pour touzour.

Psonm 95:3

SENYER i en gran Bondye; i en gran Lerwa par lao tou bann bondye.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Eklezyas 12:1

Pandan ki ou ankor zenn, pa oubliy ou Kreater, rapel li byen avan ki bann zour maler i tonm lo ou e ou dir: Mon nepli annan plezir dan nanryen.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Ezai 63:19

Depi lontan nou'n vin sa bann ki ou nepli gouvernen, sa pep ki pa ganny apele par ou non.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Ezekyel 34:11

La sa ki Senyer BONDYE i deklare: Mwan menm, mon pou rod mon bann mouton e pran swen avek zot.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.