Psonm 10:18 - Labib An Kreol Seselwa

¹⁸ pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Psonm 10:18 ပူးပေါင်းရင်းမြစ်များ

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 17:14

SENYER! Dan ou pwisans, sas zot lo ou later, lwen avek bann zabitan lemonn. Sanmenm sa par ki zot merite dan sa lavi. Fors zot manz sa ki ou'n rezerve pour zot. Zot bann zanfan ava rasazye e gard en pe pour zot bann pti zanfan.

Psonm 72:4

Lerwa ava defann lakoz bann pov, ed dimoun ki dan bezwen e kraz bann eksplwater.

Psonm 74:21

Pa les bann dimoun mwen fortinen ganny dezonore. Fer ki bann pov ek bann malere ava loue ou non.

Psonm 82:3

Defann drwa bann pov ek bann orfelen. Rann lazistis bann malere e bann ki napa nanryen.

Psonm 9:9

SENYER i en soutyen pour sa enn ki ganny meprize. I en soutyen dan letan maler.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.